Министерката за одбрана Славјанка Петровска денеска имаше телефонски разговор со министерот за одбрана на Грција Никос Дендиас, со кого разговараше за состојбата со пожарите во соседна Грција.
„Петровска изрази жалење за пожарите кои ја зафатија соседна и сојузничка Грција и понуди помош во справувањето со огнените стихии. Двајцата министри се согласија дека како соседи, но пред сè како пријателски и сојузнички земји многу е важно меѓусебно да се помагаме“,
соопшти Министерството за одбрана.
Уште во месец мај, како што велат од министерството, во Армијата е дадена наредба од страна на Генералштабот за воведувања на дежурства во Касарните, но и во хеликоптерската единица, кои се подготвени во случај да има потреба, веднаш да бидат ангажирани.