Во претстојниот период на слави и празници да се почитуваат мерките за заштита од ковид-19, апелира Министерството за здравство.
Министерот за здравство, Венко Филипче претходно предупреди дека домашните прослави и групирања беа главна причина за време на првиот бран да се влоши епидемиолошката состојба и апелираше да не се дозволи тоа повторно да се случи.
Од Министерството за здравство потсетија на измените на Законот за здравствена заштита со кои се забранува групирање на повеќе од четири лица на јавен простор, односно паркови, јавни површини или било каде на отворен простор во текот на целиот ден.
„Задолжително носење на заштитна маска на отворено и во затворени простории, како и одржување на лична хигиена, задолжително често темелно миење на раце со сапун и вода или средства за дезинфекција, одржување на физичка дистанца од два метри секогаш кога тоа е возможно. Одговорноста за заштита на сопственото здравје, здравјето на најблиските и јавното здравје е обврска на секој граѓанин“,
се вели во соопштението.