Изборниот процес, жалбите поднесени до ДИК и тужбите пред Управниот суд биле дел од темите за кои се разговарало на денешната средба на претседателот на Алијансата за Албанците, Зијадин Села со евроамбасадорот Самуел Жбогар и амбасадорите на Франција и на Германија, Кристијан Тимоние и Анке Холштајн.
Како што информираат од партијата, на средбата биле дадени сериозни забелешки од Села „за организираниот изборен инженеринг од страна на ДУИ“.
На средбите било разговарано и за најавените протести во понеделник под мотото „Избори ДА, крадење НЕ“.
„На средбите беше покажан посебен интерес за идниот состав на владата, како и за факторизирањето и за легитимната улога на коалицијата Алијанса-Алтернатива. Села ги извести амбасадорите дека владеењето на правото, интеграцијата на земјата во ЕУ, економскиот развој ќе бидат политички приоритети, за да се обезбеди подобар живот на граѓаните и еднаква држава за сите“,
се вели во партиското соопштение.