Според коалицијата Алијанса – Алтернатива, ДУИ не е победник на овие избори, туку крадец на на албанската политичка волја
Лидерите на Алијанса за Албанците и на Алтернатива Зијадин Села и Африм Гаши во обраќањето на вечерашниот протест за демократија пред Канцеларијата на ЕУ во Скопје упатија две барања до земјите – членки на Унијата: да не се признае легитимитетот на ДУИ како претставник на Албанците и да почне процесот на радикална реформа на Изборниот законик.
Според коалицијата Алијанса – Алтернатива, ДУИ не е победник на овие избори и нема легитимитет да го застапува албанскиот народ во Северна Македонија.
„ДУИ не е победник на овие избори, туку е крадец на албанската политичка волја. Може да ја има легалноста според ДИК, но никогаш нема да има легитимност за застапување на албанскиот народ во Северна Македонија. Ако сме земја која има за цел европска интеграција, слободата и демократијата треба да бидат клучен збор за оваа интеграција. Бараме од земјите на ЕУ да се осуди злоупотребата на правото на глас и да не се признае легитимноста на ДУИ како претставник на Албанците во Северна Македонија, како и да почне процесот на радикална реформа на Изборниот законик за идните избори да станат пример дека нашата земја ги исполнува европските стандарди за фер и демократски изборен процес,“
беше порачано од собирот.