Коалицијата „Сега е време“ на Алијанса за Албанците и Алернатива бараа од ДИК да го разгледа резултатот од изборите, а од мисијата на ОБСЕ-ОДИХР и од, како што ги нарекуваат, меѓународните пријатели, да помогнат во верификување на процесот за заштита на кредибилитетот на изборите и на целата демократија во нашата земја.
„Ја прифаќаме одлуката на суверениот, но не и манипулацијата со неговата волја. Недостаток на официјални информации, разни шпекулации, блокирање и напад на веб-страницата на ДИК и целата стагнација што е креирана, предизвикува многу сомнежи за процесот на броење на гласачките ливчиња“,
соопштија вечерва од коалицијата на Зијадин Села и Африм Гаши.
Од коалицијата „Сега е време“ велат дека за нив бројките објавени минатата ноќ се многу проблематични и предизвикуваат недоверба.
„Врз основа на ова, како и извештаите дека на некои избирачки места имало полнење кутии, како на пример во Сарај, ‘бугарски воз’ во Општина Липково, потоа гласање за иселениците во Дебар или брутално полнење кутии во Зајаз, Пласница и Кичево, но и информација дека овој феномен се случил дури и во чистите македонски населби, каде изненадувачки голем број гласови отидоа за ДУИ, сето ова вели дека изборниот процес е далеку од како што би сакале да биде и затоа за нас податоците за победничката партија се спорно“,
се вели во соопштението од „Сега е време“.