Анализата на nova.rs покажува дека ваков случај не постои ниту во Кина, ниту во Русија, а не било ниту во време на еднопартискиот систем во СФРЈ
Секој деветти граѓанин на Србија има членска книшка на Српската напредна партија на претседателот Александар Вучиќ, покажува анализата што ја направиле nova.rs.
Заклочокот е дека со 750 000 членови, српската владејачка партија наскоро ќе го надмине Сојузот на комунистите на Југославија, кој некогаш брое околу 900 000 членови.
До ваков заклочок е дојдено со споредување на вкупниот број жители на Србија од приближно 6,9 милиони, и 750 000 членови на СНС, со што се доаѓа до едноставната пресметка дека секој деветти граѓанин во Србија е член на владејачката партија.
СНС е подобра и од Комунистичката партија на Кина
За споредба, за време на СФРЈ, со вкупно 23,3 милиони жители, во еднопартиски систем, СКЈ имал околу 900 000 членови, или секој 25-ти граѓанин бил член на партијата.
Nova.rs направиле споредба и со другите земји и членството во владејачките партии, при што примерот на Србија станува уште посериозен.
Случајот со Србија не може да се спореди ниту со Кина, каде секој 15-ти жител е член на единствената партија – Комунистичката, ако се спореди бројот на жители од 1,39 милијарди со 90 594 000 партиски членови.
Во Русија, пак, дури секој 70-ти жител е член на владејачката партија на претседателот Владимир Путин, ако се спореди бројот на жители од околу 147 милиони со бројката на членови на владејачката партија од 2 073 772.
Европските земји како Франција и Германија се далеку од овие бројки. Но колку за споредба, на пример, во Франција секој 157 жител е член на партијата на претседателот Емануел Макрон, имајќи предвид дека земјата има 66,99 милиони жители, а партијата Репувлика има 419 435 члена.
Христијанско-демократската унија на Ангела Меркел во Германија брои 407 350 членови, што во споредба со 80 159 662 жители, се добива податок дека секој 197-ми Германец е член на партијата на канцеларката.