Единственственото лице во Израел што е тешко повредено во иранскиот напад, седумгодишно девојче, еден ден по нападот останува во критична состојба и се наоѓа во медицинскиот центар „Сорока“ во Бершеба.
Од болницата соопштија дека девојчето е оперирано поради сериозна рана на главата и сега е на одделението за детска интензивна нега.
Девојчето било повредено кога шрапнел од пресретната балистичка ракета паднал директно врз семејната куќа во бедуински град во близина на Арад во јужниот регион Негев, пишува „Тајмс оф Израел“, пренесе „дневник.хр“.
„Ни падна во куќата околу 2 часот по полноќ. Таа спиеше во куќата и веднаш ја однесовме во болницата ‘Сорока’“,
рекол таткото на девојчето.
Службата за итна помош објави дека наишле на автомобил со дете во него, го сместиле во амбулантно возило и почнале да го лекуваат на пат кон болница.
Осум други лица биле донесени во болница со полесни повреди, од кои некои, како девојчето, биле погодени од шрапнели. Останатите се повредени додека брзале кон засолништата, а тројца се со акутна вознемиреност.
Според портпаролот на израелските одбранбени сили, Даниел Хагари, противвоздушната одбрана пресретнала 99 отсто од 170-те беспилотни летала, 30 крстосувачки ракети и 120 балистички ракети лансирани кон Израел.