Рокот за одговор на државата и надлежните органи, кој е даден од страна на советот, е една недела
Претседателот на советот на родители на ОУ „Владислав Рибникар“, Игор Ѓорѓевиќ, утрово презентира низа барања што ги имаат, а кои се упатени до надлежните органи. Ѓорѓевиќ во изјава за српскиот медиум Нова.рс вели дека на вчерашната седница целиот совет на родители го поддржал барањето на родителите од 7-2 одделение.
Рокот за одговор на државата и надлежните органи, кој е даден од страна на советот, е една недела.
Ѓорѓевиќ вели дека размислувањата и позициите биле различни, за некои имале единствен став, а за некои не.
Врз основа на заклучоците што се донесени едногласно, изгласани се следните барања:
- Бараме реконструкција на настанот, објаснување како се случил, како тече истрагата и во која фаза е.
- Професионално да им објасни на родителите што ќе биде со момчето и каков е статусот на неговите родители бидејќи кај децата постои голем страв дека ќе биде на слобода.
- Тим од надворешни психолози и психијатри кои редовно ќе работат со учениците од 7-2 одделение без учество на училишниот педагог и психолог, заради обезбедување непристрасност. Родителите мора писмено да бидат информирани за програмата, како ќе работат со децата и да им бидат доставени биографиите на сите професионалци вклучени во програмата.
- Доколку се одлучи учебната година да се продолжи за 7-2 одделение, мора да се најде начин да не влегуваат во училиштето преку главниот влез и да имаат настава во една од училниците во близина на малиот излез.
- Бараме целосно реновирање на училиштето од 1 септември.
- Обезбедуваме целосна поддршка на целиот наставен кадар.
- Бараме да се утврди целосната одговорност на лицата кои го објавија списокот со имињата од 7-2 одделение кој го обиколи светот, како и сликите на децата и родителите и за тоа да бидат санкционирани.
Она што училиштето можеше само да го направи, посочува Ѓорѓевиќ, како влезот во училиштето, затворањето на училницата е веќе завршено. Рокот за одговор на други барања е седум дена.
„Овој допис е испратен до МВР, до обвинителството и до сите други надлежни органи. Бараме само да не молчат и да бидеме информирани што се случува по овие прашања“,
рече тој.
Денеска, една недела по трагедијата во ОУ „Владислав Рибникар“ на Врачар, учениците се враќаат во училниците каде што наместо редовна настава на децата ќе им се обезбеди поддршка и отворен разговор, а наставата ќе започне кога учениците и наставниците ќе проценат дека е дојдено време.
Оние ученици што сакаат денес можат да започнат со настава, но оставено е родителите да ја донесат конечната одлука бидејќи состојбата на секое дете е индивидуална и сè уште не се сите подготвени, пренесуваат српските медиуми.
Денеска, како и претходните два дена, вратите на училиштето се отворени од утрото за продолжен престој на учениците од прво до четврто одделение.
На влезот од училиштето има полицајци, додека настрана стојат инспектори во цивилна облека.
Училиштето ги отвора вратите една недела по трагедијата кога 13-годишно момче изврши масакр и уби осум соученици и чувар, а повреди уште шест деца и еден наставник.