Со презентацијата на тезите во Собранието, завршуваат сите процедури за заминување на амбасадорите во нивните дипломатски мисии
Претходно, на крајот на јули, во рамки на истата седница пред пратениците платформата за дипломатските активности ја претстави вонредниот и ополномоштен амбасадор на Република Северна Македонија во САД, Зоран Попов
Во собраниската Комисија за надворешна политика за денеска е закажано продолжение на седнцата на која своите платформи за дипломатските активности ќе ги презентираат новите, вонредните и ополномоштени амбасадори на земјава во Република Словачка, Евгенија Илиева, во Канада Агрон Буџаку, во Кралството Норвешка, Дритон Куќи и Методија Белевски новиот вонреден и ополномоштен амбасадор во Кралството Белгија.
Претходно, на крајот на јули, во рамки на истата седница пред пратениците платформата за дипломатските активности ја претстави вонредниот и ополномоштен амбасадор на Република Северна Македонија во САД, Зоран Попов. Тој своите тези ги презентираше зад затворени врати, поради како што тогаш истакна претставник на МНР, доверливиот карактер на информациите.
Со презентацијата на тезите во Собранието, завршуваат сите процедури за заминување на амбасадорите во нивните дипломатски мисии.