Се зголемува бројот на влезови во Финска од Русија, сообраќајот е зголемен за 107 отсто во однос на минатата недела

Во четвртокот од Русија во Финска влегле околу 7 000 луѓе, од кои 6 000 се Руси. Тоа е за 107 отсто повеќе од истиот ден од претходната недела

Бројот на Руси што ја поминале границата со Финска вчера е двојно поголем од бројот на луѓе што дошле претходната недела.

По објавувањето на указот на претседателот Владимир Путин за делумна воена мобилизација, бројот на премини од руска страна кон Финска се зголемил и Хелсинки размислува за забрана за влез на повеќето Руси.

„Сообраќајот утрово е сè уште густ, можеби е малку зголемен во споредба со вчера“,

изјави портпаролот на финската гранична служба.

(ВИДЕО+ФОТОГАЛЕРИЈА) По најавата за мобилизација: Полицијата во Русија ги тепаше демонстрантите, Руси масовно ја напуштаат земјата

Во четвртокот од Русија во Финска влегле околу 7 000 луѓе, од кои 6 000 се Руси. Тоа е за 107 отсто повеќе од истиот ден од претходната недела.

Три лица поднеле барање за азил, додека една недела претходно никој не го сторил тоа. Сообраќајот е особено густ на финските премини „Ваалимаа“ и „Нуиџамаа“.

Финските гранични премини се една од ретките влезни точки во Европа кои сè уште се отворени за Русите откако голем број земји ги затворија своите копнени граници и воздушен простор за руските авиони.

Уапсените руски демонстранти и новинари веднаш добиле повик за мобилизација