Претходно, од ЦУК информираа и дека имало излевање на Вардар и во Велес каде во центарот на градот нивото на реката било покачено за половина метар. Но, како што велат, нема поплавени и загрозени објекти, а бранот се намалува
Центарот за управување со кризи (ЦУК) преку бројот за итни повици 112 добил известувања дека го реонот на Зелениково се излеала реката Вардар и зафатила 15 до 20 метри од нивните. Се предупредува и дека доколку се зголеми водостојот на водат, постои опасност од поголемо излевање и можност од поплавување на куќите.
Од тие причини, од ЦУК бараат да се намали истекот на Козјак и Матка во Вардар.
„Вечерва, Центарот за управување со кризи за да се заштити населението покрај Вардар во Зелениково и Велешко од поплава побара да се пристапи кон намалување на истекот на вода од хидроакумулациите Козјак и Матка, за време на поплавениот речен бран на Вардар во Општина Зелениково – наплив во дел на реката Вардар, по пријавите од излевање на реката во нивите и опасност од поплавување на куќите во Зелениково“,
велат од ЦУК.
Претходно, од ЦУК информираа и дека имало излевање на Вардар и во Велес каде во центарот на градот нивото на реката било покачено за половина метар. Но, како што велат, нема поплавени и загрозени објекти, а бранот се намалува.
„Според Управата за хидрометеоролошки работи нивото на Река Вардар во централното подрачје на град Велес е покачено за половина метар. На левата страна има излевање во близина на коритото, но нема поплавено објекти и нема загрозено објекти од ударниот бран, кој веќе го намалува интензитетот. На десната страна од Вардар е далеку од куќите. По контактите остварени со ТППЕ Велес и ЈКП Дервен Велес истите известуваат дека нема јавување од граѓани за загрозени и поплавени објекти од реката Вардар“,
соопштија претходно од ЦУК.