Денешните објавени аудио разговори само потврдуваат дека СДСМ и претседателот Зоран Заев постојано барале начини, решенија и правни механизми за целосна реформа на правосудството, со посочување на опасноста од недонесување на Законот за јавно обвинителство, велат од СДСМ.
Во денешната аудио-снимка се слуша гласот на Заев, а тој споменува предмети кои ги водеше Специјалното јавно обвинителство.
„СДСМ, претседателот Заев постојано се бореа за обезбедување на двотретитинско мнозинство Собранието со што денес, предметите на Специјалното јавно обвинителство продолжуваат, иако тоа веќе не постои. Јасна е разликата. ВМРО-ДПМНЕ и Христијан Мицкоски се бореа за да паднат предмети, да падне предметот ‘Талир’, за да се сокрие нелегалното финансирање на ВМРО-ДПМНЕ, да падне предметот ‘Империја’ за да се спаси тајкунот на ВМРО-ДПМНЕ, Орце Камчев, за да се спасат други криминалци на чело со Груевски“,
велат од СДСМ.
Додаваат дека, ВМРО-ДПМНе на чело со Мицкоски нема да успета да го одбранат криминалот, а по 15 јули реформите во правосудството ќе градат силна правна држава во која никој нема да се спаси од одговорност.