„Христијан Мицкоски е изгубен во сопствените заблуди, па заборавил и да брои. После 16 часа од поразот, ни срам ни перде, излезе да каже дека победил со два до три пратеници во минус, за да му се смее цела јавност“,
се вели во реакцијата на СДСМ по прес-конференцијата на лидерот на ВМРО-ДПМНЕ.
Според нив, Мицкоски повторно го потценил народот, особено со ставот дека гласот на Албанците вреди помалку од оној на останатите граѓани.
„Тој е поразен политичар. Ваков очаен политичар е најдобро е да оди надвор од политика. Мицкоски денес го потцени гласот на граѓанинот, а со тоа ги потцени и сите во неговата коалиција во која има претставници и од други етнички заедници. Вчера на фер, слободни, демократски избори народот јасно му го покажа патот. Што понастрана од власта“,
велат од СДСМ.
Од партијата велат дека наспроти Мицкоски, државата, граѓаните, продолжуваат напред по исправниот, вистинскиот пат.
„Наместо да се плетка во сопствените небулози, нека си мисли како ќе си го решава проблемот што му се отвора на столчето во белата палата“,
му порачуваат од СДСМ на лидерот на ВМРО-ДПМНЕ.