Двете најголеми партии „бомбадираат“ со соопшенија пред финалето на собраниската седница за избор на Владата
Дваесет илјади денари минимална плата и 34 000 денари просечна плата до крајот на четиригодишниот мандат се целите на новата влада предводена од СДСМ и Зоран Заев, потсеи претпладнево владејачката партија, пред почетокот на собраниската седница која на полноќ треба да заврши со избор на новиот кабинет на „Илинденска“ бр.2.
Владата, како што се наведува, ќе продолжи со своите докажани заложби: раст на минимална плата до крајот на мандатот во висина од 20 до 40 проценти и раст на просечната плата до крајот на мандатот од 20 до 30 отсто.
Од СДСМ велат дека, за време на кризара, ќе се одржува стабилна стапката на невработеност, а потоа ќе продолжиме да се намалуваме за 3 проценти годишно. Конечна цел е едноцифрена стапка на невработеност до крајот на мандатот.
Претходно, од ВМРО-ДПМНЕ ги оценија како предизборна манипулација проекциите на мандатарот.
„Зоран Заев и СДСМ ги изманипулираа граѓаните пред избори. Во јуни Заев вети 36 000 денари плата, а сега од Собрание ретерира и вели 34 000 денари. Граѓаните нема да добијат ниту 36 000, ниту 34 000 денари плати, исто како што не добија плата од 30 000 денари плата, како што Заев ветуваше уште во 2016 година“,
велат од ВМРО-ДПМНЕ.
Од опозициската партија велат дека Заев најавил крха, односно криза од есен и шест до осум месеци тежок период заза граѓаните и економијата. Тоа, според ВМРО-ДПМЕ, е поради негова неспособност
„СДСМ не беше во можност да се справи со првиот бран на коронавирусот и позајми над милијарда евра, за кои никој не знае каде завршија. А сега прогнозира уште потешка криза и тоа која ќе трае подолго од првата. Кога за првата потриши милијарда, колку ќе потроши за втората?! И кои ќе бидат последиците врз економијата“,
се наведува во партиското соопштение.