Данела Арсовска, кандидатката на Мицкоски, за која тој лобираше кај граѓаните и ги повикиуваше да гласаат за неа, како за најдобра менаџерка, се покажа како најнеспособен градоначалник на Скопје, се вели во соопштението на СДСМ.
„Шпицниот“ градоначалник Христијан Мицкоски ги излажа скопјани со тоа што лобираше кај граѓаните и ги повикуваше да гласаат за Данела Арсовска, која ја претставуваше како најдобра менаџерка, велат од СДСМ. Со ова лобирање, ВМРО-ДПМНЕ направи катастрофа во Скопје бидејќи и по една и пол година од мандатот, Скопје нема реализација на ниту еден важен проект, нема нов еколошки превоз, нема нови автобуси, градскиот превоз е нефункционален, јавните претпријатија се во хаос, велат од „Бихачка“
„Нема ни довршување на наследените и веќе започнати проекти, како реконструкцијата на Универзална сала и мостот АСНОМ, а изградбата на улицата ‘Есенинова’ и клучката кај Момин поток стојат во место“,
стои во соопштението.
Од СДСМ додаваат дека наместо да работат на решавање на проблемите, ВМРО-ДПМНЕ и Арсовска се занимаваат со идејата за враќање на споменикот на Ќосето, кој во времето на режимот противправно беше поставен во центарот на градот. Затоа, според нив, ВМРО-ДПМНЕ ја прокоцка шансата што граѓаните на Скопје му ја дадоа на последните локални избори.