Оценувајќи оти главниот проблем во Општина Аеродром е начинот на кој в.д. градоначалникот Дејан Митески и ексградоначалникот Тимчо Муцунски управуваат со Општината, опозициската партија повика ВМРО-ДПМНЕ да понесе одговорност за неодговорното и недомаќинско управување со во оваа општина. Како директно одговорни за последиците од излевањето на Маркова Река СДСМ ги посочи Митески и Муцунски
Наместо проширување на мостот и уредување на коритото на Маркова Река меѓу Горно и Долно Лисиче, како што ветуваа Дејан Митески и Тимчо Муцунски пред четири години, добивме поплавени имоти на жителите, целосен прекин на сообраќајот и страв и несигурност од поголеми штети. Вака реагираат од опозицискиот СДСМ откако поради обилните врнежи, Маркова Река утринава се излеа од своето корито.
Од СДСМ додаваат оти покрај проширувањето на мостот, Муцунски и ВМРО-ДПМНЕ ветувале дека кејот на реката ќе го заживеат со трим-патека, велосипедска патека и урбана опрема.
„Јавно го прашуваме в.д. градоначалникот Дејан Митески: Зошто четири години нема ни ‘п’ од проширување на мостот и ни ‘к’ од кеј на Маркова Река? Кога последен пат е исчистено коритото на Маркова Река? Колку казни се изречени во последните четири години за фрлање ѓубре и отпад во коритото на Маркова Река? До кога планирате да ги манипулирате жителите на Горно и Долно Лисиче со разни нереални ветувања како кеј со трим-патека, велосипедска патека и урбана опрема по должината на Маркова река? Заборавивте ли дека ВМРО-ДПМНЕ традиционално има најмногу гласови на сите избори токму во Горно и Долно Лисиче?“,
велат од СДСМ.
Оценувајќи оти главниот проблем во Општина Аеродром е начинот на кој в.д. градоначалникот Дејан Митески и ексградоначалникот Тимчо Муцунски управуваат со Општината, опозициската партија повика ВМРО-ДПМНЕ да понесе одговорност за неодговорното и недомаќинско управување со оваа општина. Како директно одговорни за последиците од излевањето на Маркова Река, СДСМ ги посочи Митески и Муцунски.
„В.д. градоначалникот Дејан Митески итно да се зафати со чистење и уредување на коритото на Маркова Река со цел да се избегнат поголеми катастрофи. Итно да испрати тимови на терен кои ќе направат процена на штетата и да ги разгледа сите можности за обесштетување на граѓаните чии имоти беа поплавени“,
додаваат од СДСМ.
Поради обилните врнежи од дожд, Маркова Река утринава се излеа од своето корито, што доведе до поплавување на неколку куќи, магацини и индустриски објекти во селата Студеничани и Батинци, како и во делови на Пинтија.
Од МВР утринава информираа дека како последица на излевањето на реката затворен за сообраќај во двете насоки е локалниот пат од Горно Лисиче до Долно Лисиче, како и влезот за село Батинци во двете насоки.