Зголемено е домашното производство на струја, се ставаат во функција сите расположливи капацитети и енергетски потенцијали, како и од нови обновливи извори на енергија, а со последната одлука, обезбедени се нови 50 милиони евра на ЕСМ, да може дополнително да го зголеми производството, додека на сила се и мерките за заштеда на струја, велат од владејачкиот СДСМ.
„Државата обезбедува субвенционирање на 80% од цената на сметката за струја за граѓаните, а граѓаните плаќаат само околу 20% од цената. Во овој момент сите граѓани, но и 72.000 мали потрошувачи, а тоа се помалу приватни компании добиваат 80% субвенционирана цена на електрична енергија. Со ребалансот на Буџетот се издвоени 76 милиони евра за нови мерки за помош. СДСМ одговорно и државнички во време на светска енергетска криза, се грижи за сите граѓани“
се наведува во соопштението од СДСМ.
На обвинувањата на опозицијата за кражба и лошо менаџирање со состојбите во енергетиката, од СДМС возвратија дека криминалите со струјата се случувале за време на владеењето на ВМРО-ДПМНЕ.
„Мицкоски како директор на ЕЛЕМ набавувал електрична енергија по цена 3-4 пати повисока од пазарната. Во негово време цената на струјата е покачена за 100%. Ова се случувало во време кога немало никаква криза. А сега кога светот е во голема економска и енергетска криза Мицкоски и ВМРО-ДПМНЕ седат на страна, кочат, блокираат, одмагаат наместо да им помогнат на граѓаните, на државата“
додаваат од СДСМ.