Од опозициската партија, пак, оценуваат дека тоа што само 30 од 120 пратеници ја поддржуваат иницијативата за свикување на парламентот покажува дека Заев нема контрола во борбата за спас на кариерата
Раководството на ВМРО-ДПМНЕ нема контрола на над 20 проценти од пратеничката група на партијата, оценуваат од СДСМ наведувајќи го тоа како една од причините поради кои опозициската партија е против свикување на распуштениот парламент.
„Самата помисла од свикување на Собранието кај ВМРО-ДПМНЕ раѓа нервоза, паника и страв, што се гледа и преку ниските соопштенија полни со тешки лаги и невистини. Таквите тешки лаги докажуваат дека фрустрациите кај Христијан Мицкоски и ВМРО-ДПМНЕ кулминираат. ВМРО-ДПМНЕ е единствената опозициска партија која се плаши од Собранието. Тоа е така затоа што ВМРО-ДПМНЕ и Христијан Мицкоски знаат дека не контролираат повеќе од 20 отсто од пратеничката група во Собранието. Затоа Мицкоски и ВМРО-ДПМНЕ се исплашени од Собранието, затоа се против законодавниот дом кој во секоја демократија е контролор на Владата“,
се наведува во соопштение на СДСМ
Од ВМРО-ДПМНЕ, пак, оценија претходно дека тоа што, како што велат, само 30 од вкупно 120 пратеници ја поддржуваат иницијативата на СДСМ за свикување на парламентот покажува дека Зоран Заев нема контрола во својата борба за спас на кариерата.
„СДСМ е единствена партија во светот чиј лидер спасот од одговорност го гледа во борбата за фотелја наместо во борба за здравјето на граѓаните. Оливер Спасовски, пак, е единствениот премиер кој поради непостоечки случај на корона се смести себеси и половина влада во изолација. Толку се неспособни што министерот за здравство не може да ја заштити сопствената влада, а не, пак, да го заштити народот,“
се наведува во соопштение на СДСМ.
*поврзани вести: Милошоски, Мицевски и Тарчуловски меѓу ретките во ВМРО-ДПМНЕ што добија шанса за нов пратенички мандат
Анализа на кандидатурите на СДСМ: изненадувањата се кријат подолу на листите