Од партијата велат дека има подржувачи на евроатлантската иднина меѓу пратениците на политичките партии кои вечерва најавуваат ново мнозинство: „„Има пратеници кои не сакаат да влезат во пакт со нацистите и фашистите од Левица, која е отворено против НАТО. Ги повикуваме на соработка и одговорно застанување на страната на демократската опција“
Доколку навистина има ново парламентарно мнозинство очекуваме тоа да се потврди низ соодветните собраниски процедури и евентуален избор на нова влада. Односно ќе видиме дали ќе се избере нова анти-демократска, анти-Преспа, анти-НАТО и анти-ЕУ влада, реагираа од СДСМ доцна вечерва, неколку часа откако опозицискиот лидер Христијан Мицкоски објави дека има ново мнозинство.
„Евентуалното ново мноинство ќе треба да ја преземе одговорноста за справување со пандемијата и со енергетската криза, одговорноста за предизвиците кои следат со европските интеграции на земјата и усвојувањето на буџетот за 2022 година, тоа е најодговорно во овој момент.Деновиве ќе видиме дали Мицкоски има капацитет и одговорност за овие чекори и одговорности. СДСМ е на страната на граѓаните, на страна на националниот интерес и напредокот на државата. СДСМ нема да дозволи дестабилизација на земјата, поништување на Договорот од Преспа, нови кавги со соседите и поништување на сѐ што постигнавме заедно со граѓаните во изминатите четири години“,
се наведува во реакцијата на СДСМ.
Од досега владејачката партија велат дека има подржувачи на евроатлантската иднина помеѓу пратениците на политичките партии кои вечерва најавуваат ново мнозинство.
„Има меѓу тие пратеници луѓе кои не сакаат да влезат во пакт со нацистите и фашистите од Левица, која е отворено против НАТО. Ги повикуваме на соработка и одговорно застанување на страната на демократската опција.
велат од СДСМ.
Ги повикуваме сите демократски сили и пратеници кои сакаат продолжување на вистинскиот пат, патот на напредокот, на интеграциите во ЕУ, на правдата и економскиот напредок, да не дозволат да остават траен печат со својот глас и да бидат споменувани како пратеници и луѓе кои ги донеле новите кавги со соседите, уназадувања на патот кон ЕУ, нови меѓуетнички конфликти“,
Од партијата нагласуваат дека народот виде како на иста маса седнале, како што се наведува, претставниците на анти-НАТО, анти-ЕУ, анти-Преспа и анти-демократските структури во земјава, учесниците во крвавите дејствија од 27 април, заедно со оние кои декларативно се залагаат за евро-атланскиот курс на земјата и кои беа тепани на истиот 27 април.
„Овој состав значи конфликт на принципи, конфликт на ставови, конфликт на политики и конфликт на вредности. Таков политички состав не може да испорача ништо за интересот на граѓаните, ниту пак за националните интереси на државата, бидејќи единственото заедничко на таа маса е желбата за власт“,
реагираат од СДСМ.