Министерот за економија Крешник Бектеши вели дека на ДУИ и одговараат предвремени избори, но тоа не е во интерес на државата. Тој вечерва при гостувањето на ТВ Телма беше затечен од информацијата дека опозицијата обезбедила доволен број пратеници за изгласување недоверба на владата чиј член е тој.
„Јас сега засега немам никакви информации. Со Вас сум во студиото и немам сознанија. Не сум добил никаква информација, но сликата изгледа убаво, особено со претставник од Левица а зборуваме за европските интеграции, Ќе видиме како ќе се одвиваат работите, треба да се изгласа во Собранието доколку ги имаат бројките. Ние кажавме дека ако ги гледаме бројките, наш личен интерес е да одиме на избори бидејќи моментално би добиле 18 пратеници. Но, во моментов на државата и треба стабилност, треба да се завршат некои крупни работи, како спорот со Бугарија, да се продолжи европскиот пат и ДУИ нема да направи никакви отстапки од евроинтеграциите на нашата држава,
рече Бектеши.