Шефовите на држави и влади за прв пат немаат да отпатуваат во Брисел за редовен Европски совет, соопшти претседателот Шарл Мишел.
Како што јавува дописничката на МИА од Брисел, одлучено е самитот на 26 и 27 март да се одржи виртуелно, во вид на видеоконференција поради кризата со коронавирусот.
Откако се засили пандемијата на европскиот континент, повеќето министерски средби во ЕУ се одржаа преку видеоконференција.
Освен здравствената криза и буџетските прашања, една од главните теми на овој самит ќе биде отворањето на преговори со Северна Македонија и Албанија. Последните нацрт-заклучоци на амбасадорско ниво укажуваат на тоа дека и двете земји ќе добијат зелено светло.
Согласност даде и Холандија неодамна за Албанија, со што се деблокира прашањето на европско ниво. Но, се очекува Северна Македонија да има предност пред Албанија, со што де факто би се нагласила разликата во подготвеноста на двете земји.