Од Централната команда на САД (ЦЕНТКОМ) информираат дека Иран лансирал повеќе дронови за еднократен напад во обид да погоди бродови кои транзитирале низ Теснецот
Американската војска не објави дополнителни детали за инцидентот, ниту за бројот на соборени летала
Американската војска соопшти дека соборила повеќе ирански дронови насочени кон комерцијални бродови што пловеле низ Ормускиот Теснец, еден од најважните светски поморски коридори за транспорт на енергенси.
Од Централната команда на САД (ЦЕНТКОМ) информираат дека Иран лансирал повеќе дронови за еднократен напад во обид да погоди бродови кои транзитирале низ Теснецот.
Iran launched multiple one-way attack drones in an attempt to strike commercial ships transiting the Strait of Hormuz. U.S. forces have downed all of them in recent hours as traffic flow through the strait continues unimpeded. The international trade corridor remains open for…
— U.S. Central Command (@CENTCOM) June 13, 2026
„Американските сили ги соборија сите во изминатите неколку часа, додека протокот на сообраќај низ Теснецот продолжува непречено. Меѓународниот трговски коридор останува отворен за транзит“,
соопштија од ЦЕНТКОМ.
Американската војска не објави дополнителни детали за инцидентот, ниту за бројот на соборени летала.
Претходно неделава, американскиот претседател Доналд Трамп изјави дека американските сили им обезбедуваат поддршка на нафтените танкери и трговските бродови при преминувањето низ Ормускиот Теснец. Тој оваа операција ја опиша како тајна мисија, чија цел, како што додаде, е да се одржи отворен клучниот поморски пат.
Според податоците на Британската организација за поморски трговски операции, низ Теснецот минуваат помалку од десет бродови дневно.
Пред Иран да ја блокира рутата како одговор на конфликтот со САД, низ Теснецот дневно транзитираа околу 130 бродови.
Ормускиот Теснец останува една од најзначајните светски транспортни артерии за нафта и течен природен гас, преку која поминува значителен дел од глобалната енергетска трговија.
Иранските медиуми во четвртокот објавија дека Корпусот на Исламската револуционерна гарда (ИРГК) лансирал беспилотни летала во воздухопловната база „Али ал Салем“ во Кувајт како одговор на претходни американски напади врз иранските воени цели.
Дополнителни ирански напади беа пријавени и во Јордан, при што ИРГК соопшти дека испалила четири ракети кон американската воздухопловна база „Ал Азрак“, за која тврди дека има хангари за борбени авиони Ф-35 и команден и контролен центар.
Дополнително, сирени беа огласени и во Бахреин.
ИРГК, потоа, предупреди дека е подготвена да даде разорен и решителен одговор на секој нов напад на САД.
Трамп му порача на Иран да не испраќа дополнителни беспилотни летала до бродовите што минуваат низ Теснецот.