Само две сојузни држави во САД пријавиле намалување на бројот на заболени од ковид-19 споредено со минатата недела – Конектикат и Роуд Ајленд.
Зголемување на бројот на инфицирани, пак, има во 36 држави.
Посебно загрижувачка е ситуацијата на Флорида, за која експертската јавноста стравува дека би можела да стане ново жариште на зараза. Властите во Флорида и во другите американски држави предупредуваат на зголемен број заболени меѓу младата популација.
На Флорида вчера се потврдени 9 585 нови случаи на зараза со ковид-19, што е најголем дневен пораст во оваа држава од почетокот на пандемијата.
Во САД во последните 24 часа се регистрирани најмалку 38 845 новозаразени случаи со коронавирусот и 264 починати.
Со тоа, вкупниот број на заразени во земјата достигна 2 548 996, а на смртни случаи 125 804, според податоците на Универзитетот „Џон Хопкинс“.