„Њујорк тајмс“ синоќа објави дека американскиот претседател Џо Бајден размислува да испрати неколку илјади американски војници во сојузниците од НАТО во Источна Европа и Балтикот. Пентагон одби да го коментира извештајот на весникот, но истакна дека неговиот портпарол Џон Кирби во петокот рече дека „ќе се погрижиме да подготвиме опции за да ги смириме нашите сојузници, особено од источното крило на НАТО“
САД синоќа соопштија дека наредиле враќање на членовите на семејствата на вработените во Амбасадата во Украина, и ги повика сите американски граѓани да размислат за заминување поради заканата од руска воена акција.
Американскиот Стејт департмент соопшти дека одобрил „доброволното заминување на американските државни службеници и наредил заминување на членовите на нивните семејства од Амбасадата во Киев поради континуираната закана од руска воена акција“, но нема да организира евакуација.
На американските граѓани во Украина им е препорачано да размислат за можност за заминување.
„Граѓаните на САД во Украина треба да размислат за заминување без одлагање, користејќи ги можностите за комерцијални или други приватно достапни опции за превоз“,
„Граѓаните на САД во Украина треба да размислат за заминување без одлагање, користејќи ги можностите за комерцијални или други приватно достапни опции за превоз“, соопшти синоќа Стејт департментот во информациите за патување.
Амбасадата на САД во Украина објави дека се консултирала со украинската Влада за овој потег и оти ги координира чекорите со сојузниците и партнерските амбасади во Киев за да се утврди нивниот став.
„Русија може да изврши воена акција во секое време и американската Влада нема да биде во позиција да ги евакуира американските граѓани во таква криза, затоа тие мора да се подготват“,
се вели во соопштението на Амбасадата.
Стејт департментот ги советува граѓаните на САД да не патуваат во Украина „поради зголемената закана од руска воена акција и ковид 19“.
„Бидете на зголемена готовност во Украина поради криминал и немири. Ризикот е зголемен во одредени области“,
се вели во соопштението.
Во меѓувреме, Велика Британија почна да повлекува дел од персоналот од својата амбасада во Украина, објави Би-Би-Си, а официјални лица наведуваат дека нема конкретна закана за британските дипломати, но дека половина од вработените во дипломатската мисија во Киев ќе се вратат во Британија.
Одлуката на Велика Британија уследи откако САД им наложија на семејствата на вработените во американската амбасада во Киев да ја напуштат Украина, тврдејќи дека Русија може да ја нападне Украина во секое време.
„Њујорк тајмс“ синоќа објави дека американскиот претседател Џо Бајден размислува да испрати неколку илјади американски војници во сојузниците од НАТО во Источна Европа и Балтикот.
Пентагон одби да го коментира извештајот на весникот, но истакна дека неговиот портпарол Џон Кирби во петокот рече дека „ќе се погрижиме да подготвиме опции за да ги смириме нашите сојузници, особено од источното крило на НАТО“.