Специјалниот пратеник на Русија за одржлив развој и помошник на рускиот претседател Владимир Путин за врски со меѓународни организации, Анатолиј Чубаис, поднел оставка на оваа функција и ја напуштил Русија, пишува Блумберг.
Тој својата одлука ја темелел на ставот дека е против војната во Украина, информирале два неименувани извори.
Блумберг забележува и дека 66-годишниот Чубаис е највисоко рангираниот функционер кој си заминал од Кремљ поради рускиот напад на Украина.
Чубајс е еден од ретките реформатори на руската економија од 1990-тите години на минатиот век кој останал во владата на Путин и истовремено ги задржал блиските врски со западните функционери, пренесува Блумберг.