Тој е убеден дека руските сили ќе продолжат да дејствуваат со цел да го уништат украинскиот енергетски систем и предлага потенцијални цели за напад кога енергетскиот систем е оневозможен
Рускиот пратеник Андреј Гуруљов, за време на гостувањето во телевизиска емисија, ја коментираше ефективноста на актуелната руска воена стратегија, која го таргетира енергетскиот систем на Украина како примарна цел. Неговиот говор го пренесе дописникот на Би-би-си, Френсис Скар, кој ги следи руските медиуми.
„Денес велат дека немаат ниту вода ниту парно, но тоа е неважно. Нивната индустрија престана да работи и тоа е најважно. Индустријата која работеше и заработи пари. Индустријата која поправа и произведуваше оружје. Сето тоа е сопрено и тоа е главното денес, а се останато се нуспојави. Луѓето велат дека треба да ги бомбардираме нивните мостови, но јас ги прашувам дали знаат дека се потребни десетина проектили за да се бомбардира мост? Но, потребен е само еден проектил за да се погоди контролен центар на железничкиот сообраќај. Па зошто да не го погодиме?“,
рече Гуруљов.
Тој е убеден дека руските сили ќе продолжат да дејствуваат со цел да го уништат украинскиот енергетски систем и предлага потенцијални цели за напад кога енергетскиот систем е оневозможен.
„Тука е, на пример, банкарската инфраструктура. Ако сега го бомбардираме центарот на банкарството, се ќе престане. Ништо нема да можете да префрлите, картичките нема да работат, платите нема да се исплаќаат“,
заклучи тој.
Russian MP Andrei Gurulyov says his country will "finish off" Ukraine's power grid and then target its banking system
— Francis Scarr (@francis_scarr) November 28, 2022
"If we bomb the centre of their banking operations, they won't be able to transfer anything anywhere, cards won't work and people won't get their paychecks" pic.twitter.com/yUHClLppfs