Руската централна банка ги зголеми каматните стапки од 9,5 на 20 отсто по падот на вредноста на рубљата

Русија двојно ги зголеми основните каматни стапки по денешниот пад на вредноста на руската рубља за речиси 30 отсто во однос на доларот откако светските сили воведоа нови, построги санкции кон Москва поради нејзината инвазија на Украина

Руската централна банка соопшти дека ја зголемува основната каматна стапка од 9,5 на 20 отсто за да се спротивстави на ризиците од падот на вредноста на рубљата и повисоката инфлација, додека официјалните лица се обидуваат да ги менаџираат последиците од западните санкции, посочува Би-би-си.

Вредноста на руската рубља, пак, денеска падна за речиси 30 отсто во однос на доларот откако светските сили воведоа нови, построги санкции кон Москва поради нејзината инвазија на Украина.

Исто така, Руската банка соопшти дека им наредила на брокерите да го прекинат извршувањето на сите налози од странски правни лица и лица кои сакаат да ги продадат своите руски инвестиции, како акции и удели во компании, пренесува Би-би-си.

Банката на Русија воедно соопшти дека допрва треба да одлучи дали денеска ќе ја отвори московската берза, освен пазарот на девизен курс и пари. Времето за отворање веќе неколку пати беше поместувано во последните неколку часа.

Ова се случува по падот на рубљата на ново рекордно ниско ниво откако западните земји најавија нови санкции против Русија поради нејзината инвазија на Украина.

Вредноста на рубљата падна за 30 отсто во однос на доларот

Москва, исто така, им нареди на компаниите да продадат 80 отсто од приходите во странска валута, соопштија централната банка и Министерството за финансии.

„Надворешните услови за руската економија драстично се променија“,

се вели во соопштението на централната банка.