По објавувањето на картата, првата заменик-министерка за надворешни работи на Украина, Емине Џепар, изјави дека Русија знае дека ќе биде исфрлена од полуостровот
Руската амбасада во Шведска објави карта на земји во Европа на која Крим е означен како територија на Украина.
Русите замислуваа дека на картата треба да бидат прикажани цените на бензините во Европа, но Крим, кој го окупираа речиси десет години, им се „лизна“ како дел од Украина.
Gasoline prices per liter, 9 January 2023 pic.twitter.com/cUbJjhuVQx
— Russian Embassy, SWE (@RusEmbSwe) January 17, 2023
По објавувањето на картата, првата заменик-министерка за надворешни работи на Украина, Емине Џепар, изјави дека Русија знае дека ќе биде исфрлена од полуостровот.
„Сè што е нелегално е исто така кревко. Крим беше и ќе биде украински“,
напиша таа.
Во 2014 година, Владимир Путин незаконски го анектира Крим, а Русија спроведе лажен референдум за анексија, како што спроведе во окупираните региони на Украина по минатогодишната инвазија.