Во областа Одеса за утре е прогласен ден на жалост, јави државната телевизија Суспилне
Во рускиот ракетен напад во Одеса загинаа 14 лица, меѓу кои локални жители, лекар и спасувач, а 46 лица се повредени, меѓу кои седуммина вработени во Државната служба за итни случаи, објави на Телеграм претседателот на регионалната воена управа на Одеса Олег Кипер.
Тој истакна дека на повредените им била пружена неопходна помош, а сите надлежни служби ги отстранувале последиците од непријателскиот напад.
„Службите за спроведување на законот регистрираа уште едно злосторство извршено од Русите. Утре ќе биде прогласена жалост во Одеса и во регионот. Изразувам искрено сочувство до роднините на загинатите“,
изјави регионалниот гувернер.
Во ударот се оштетени и 10 приватни куќи, автосервис, гасовод под низок притисок и две противпожарни возила. Во моментов се работи на гаснење на пожарот на гасоводот и на приватна куќа со вкупна површина од околу 120 квадратни метри. Во областа Одеса за утре е прогласен ден на жалост, јави државната телевизија Суспилне.