Според соопштението на романското Министерство за надворешни работи, на австриската амбасадорка ѝ било укажано дека негативниот став на Виена по однос на приемот на Романија во Шенген е уште поизразено во контекст на долгогодишната билатерална соработка меѓу двете земји
Министерот за надворешни работи на Романија, Богдан Ауреску, ја повикал австриската амбасадорка во Букурешт, Аделхајде Фоли, за да ѝ го пренесе протестот против „неоправданиот и непријателски однос на Австрија“ во однос на пристапувањето на Романија во Шенген, кој, како што се вели, ќе има неизбежни последици врз билатералните односи.
Според соопштението на романското Министерство за надворешни работи, на австриската амбасадорка ѝ било укажано дека негативниот став на Виена по однос на приемот на Романија во Шенген е уште поизразено во контекст на долгогодишната билатерална соработка меѓу двете земји.
Протест имаше и поради неодамнешните изјави на австрискиот канцелар Карл Нехамер, според кого, романските власти поради Шенген вршат притисок врз австриските компании во оваа земја.
„Тоа тврдење е неприфатливо бидејќи не одговара на реалноста“,
наведуваат од романското Министерство за надворешни работи.
Министрите за внатрешни работи на земјите членки на Европската Унија и на Шенген-зоната го отфрлија приемот на Романија и Бугарија во Шенген.
Против пристапувањето на Бугарија и Романија претходно се изјасни Австрија.