Премиерот Оливер Спасовски, соопштувајќи ги мерките кои се насочени кон лична заштита и одговорност, рече дека од нивното почитување ќе зависи дали ќе има потреба од други мерки
Премиерот Оливер Спасовски најави дека од утре стапува на сила олабавување на досегашните рестриктивни мерки кои беа на сила изминатите денови за спречување на ширењето на коронавирусот.
Спасовски рече дека освен олеснувањето во однос на движењето на граѓаните се воведуваат т.н. меки мерки кои се насочени кон лична заштита.
Тие мерки опфаќаат:
-задолжителна дистанца од два метри на затворени и отворени простори;
„Значаен процент од случаите со ковид -19 се асимптоматски, што значи дека лицето кое е пред вас во ред може да е заболено и да не знае, поради што тие 2 метра се потребни за заштита“,
рече Спасовски.
-носење заштитна опрема на устата и носот;
Тоа би била маска, која може да биде хируршка за една употреба, или памушна за повеќекратнаупотреба, свилена или памучна марама и други слични прекривки за нос и уста. Така ќе се обезбеди прекин на пренос на вирусот, бидејќи тој се пренесува преку вдишување од непосредна близина. Ова се однесува на сите затворени простори како маркети, банки, пошти јавни простори како затворени и отворени пазари каде нема можност за обезбедување потребна физичка дистанца. Не е задолжително носење маски на отворено кога некој е во двор, на тераса, вози велосипед, спортува или во возило во кое е со лица со кои живее во заедница или во домаќинство.
–забрана за групирање на повеќе од две лица, а во таква група од двајца не се вбројуваат нивните деца под 14 години;
-задолжителна изолација по тестирање.
Сите странски и домашни лица после тестирање влегуваат во задолжително самизолирање до резултатите од тестирањето и оваамерка ќе се применува до прогласување крај на пандемијата од СЗО.
„Борбата со корнавирусот е се’ уште во тек, нашите животни навики се променети, но дали таа ќе трае подолго или пократко ние можеме да влијаеме како индивидуи, како на времетрањето така и на начинот на живеење“,
рече премиерот Спасовски и како успешен резултат го посочи малиот број заболени возрасни лица кои се најризични.
Тој го посочи и податокот дека во последните три дена има повеќе оздравени од новоизразени.
Тој истакна дека намалувањето на рестриктивните мерки не смее да значи опуштање ниту неодговорност, туку значи дека се зголемува личната одговорност за заштита и на нас и на тие околу нас.
„Да разбереме дека колку повеќе ќе ги почитуваме меките мерки толку ќе биде помала потребата од други мерки, бидејќи ќе можат да се спроведат секојдневните обврски и со тоа ќе има помалку гужви. Намерата не е да се казнува туку да се подигне свеста за индивидуалната одговорност за почитување на мерките. Новите зајаканати меки мерки се и во функција на реорганизација на економијата и ќе води кон стабилизација на условите за да продолжи нормалното живеење“,
рече Спасовски.
*Поврзани вести
Од утре полициски час од 19 часот, за младите и постарите посебни правила
Нови 28 случаи на ковид-19, оздравени се 48 пациенти и еден е починат