Имајќи предвид дека Сенатот, кој има 100 претставници, е поделен 50-50 помеѓу демократите (и независните) и републиканците, потребно е десет републиканци да го поддржат нацрт-законот што е малку веројатно, бидејќи многу републикански сенатори сè уште му се лојални на Трамп
Републиканците Сенат денеска го блокираа разгледувањето на нацрт-законот со кој се бара формирање на комисија за испитување на упадот во Капитол од 6 јануарисо цел да се спречи официјалното прогласување на победата на Џозеф Бајден над Доналд Трамп на претседателските избори во ноември во 2020 година.
Гласањето беше 54 „за“ спрема 35 „против“, а за предлог-законот да биде усвоен во ова тело од 100 членови на Демократската и Републиканската партија, потребни беа 60 гласа.
Чак Шумер, лидерот на Демократите во Сенатот, по гласањето рече дека републиканците избрале, како што рече, да бранат голема лага.
„Сите знаеме што се случи тука. Републиканците во Сенатот одлучија да одбранат голема лага затоа што стравуваат дека сè што може да го вознемири Доналд Трамп би им наштетило политички“,
истакна Шумер.
Предлог-законот претходно беше усвоен од Претставничкиот дом на САД.
Гласањето требаше да се одржи вчера, но беше одложено поради долга расправа за друг предлог-закон.
По поразот на изборите, Трамп побара од илјадници негови приврзаници, кои дојдоа на протест во Вашингтон, да „се борат со сите сили“ за да го преобратат неговиот пораз. Тоа предизвика нереди на Капитол Хил и упад во Конгресот, при што загинаа пет лица.
Републиканците се очекува да ги користат сите процедурални тактики познати како „филибастер“ за блокирање на нацрт-законот со кој ќе започне истрага за упадот. Ако успеат во тоа, тоа ќе биде првпат да ја спречат законодавната агенда на Сенатот на тој начин – од почетокот на мандатот на Бајден.
Имајќи предвид дека Сенатот, кој има 100 претставници, е поделен 50-50 помеѓу демократите (и независните) и републиканците, потребно е десет републиканци да го поддржат нацрт-законот.
Тоа е малку веројатно, бидејќи многу републикански сенатори сè уште му се лојални на Трамп и од нив се очекува да го следат она што ќе го стори лидерот на републиканците во Сенатот, Мич Меконел, анализира Гласот на Америка.
Меконел, кој своевремено рече дека Трамп е одговорен затоа што „провоцирал“ немири, неодамна го отфрли предлог-законот како „политичка вежба“, со оглед на тоа што комитетите на Сенатот веќе ги испитуваат безбедносните пропусти.
Претставничкиот дом, во кој демократите имаат контрола и кој брои 435 члена, веќе го усвои предлог-законот со поддршка на некои републикански претставници во тоа тело.