Податоците на крајот на 2020 година се речиси исти како како и минатата година, и покрај, како што се наведува, значително зголеменото кршење на слободата на печатот и апсењата поврзани со пандемијата
Вкупно 387 новинари ширум светот се приведени во врска со нивната работа, 54 се во заложништво, а четворица се водат како исчезнати, според првиот дел од годишниот извештај за третманот на новинарите, што го објавија денес од „Репортери без граници“ .
Податоците на крајот на 2020 година се речиси исти како како и минатата година, и покрај, како што се наведува, значително зголеменото кршење на слободата на печатот и апсењата поврзани со пандемијата на коронавирусот.
Годишниот извештај на „Репортери без граници“ открива зголемување на произволните апсења поврзани со здравствената криза, како и зголемување на бројот на уапсени жени новинари.
Бројот на жени новинари во затвор се зголеми за 35%, на 42 од 31 пред една година.
Како и во 2019 година, кога „Репортери без граници“ идентификуваа 389 затворени новинари заради вршење на својата професија, пет земји учествуваат со повеќе од половина во вкупната бројка (61 отсто). Кина, како што се посочува, а на тој начин останува во предност со затворени 117 новинари (професионални или не), пред Египет (30), Саудиска Арабија (34), Виетнам (28) и Сирија (27).
„Бројот на затворени новинари ширум светот останува на историско високо ниво, така што и жените, кои се сѐ помногубројни во професијата, не се поштедени“,
посочува генералниот секретар на Организацијата Кристоф Делуар во соопштението за печатот.
Друг забележителен развој на настаните е зголемувањето на апсењата поврзани со здравствената криза, со 14 новинари „сè уште зад решетки“ за следење на пандемијата, од кои 7 во Кина. Организацијата во март регистрира „повеќе од 300 инциденти директно поврзани со новинарско покривање на здравствената криза“, меѓу февруари и крајот на ноември, во кои учествуваа скоро 450 новинари.
„Самоволното апсење, кое претставува 35 отсто од забележаните злоупотреби, пред физичко или морално насилство“, е зголемено за четири пати меѓу март и мај. Вонредните состојби или мерките донесени во повеќето земји, за да ја задржат пандемијата, придонесоа за „задржување на информациите“, се наведува во извештајот.
Покрај тоа, најмалку 54 новинари во моментот се заложници во Сирија, Јемен и Ирак, нивниот број падна за 5 отсто за една година. Невладината организација идентификува и четворица новинари пријавени за исчезнати во 2020 година, додека во 2019 година не биле забележани нови случаи на исчезнување. Тие се од Блискиот Исток, Супсахарска Африка и Латинска Америка.