Нема потврда од Владата за информацијата дека Бесмира Ејупи (28), ТВ-презентерка на вести, ќе биде генерален конзул на Северна Македонија во Њујорк, САД, како што објави порталот „Зум“, дека сношти Владата, на затворена седница, по предлог на Министерството за надворешни работи, го утврдила предлогот Ејупи да биде пратена за македонски генерален конзул во Њујорк
„360 степени“ испрати и прашања до МНР дали ја предложиле Ејупи за генерален конзул во Њујорк и дали евентуално има нови предлози за амбасадори, со оглед на најавите дека ќе се интензивира пополнувањето на дипломатските места, но засега не добивме одговор
Постапката за именување на генерален конзул на Република Северна Македонија во странство не е во надлежност на претседателот на државата, туку е во надлежност на Министерството за надворешни работи и Владата, и истата е регулирана со Законот за надворешни работи, соопшти кабинетот на претседателот Стево Пендаровски, по пишувањата во медиумите за назначување на генерален конзул во Њујорк.
„Постапката за именување генерален конзул ја покренува министерот за надворешни работи, кој до Владата доставува предлог за именување на генерален конзул. По прифаќање на кандидатот од страна на Владата, Министерството бара егзекватура од земјата на приемот, а по нејзиното добивање и завршените подготовки, Владата донесува одлука за именување на генерален конзул. Патентното писмо за генералниот конзул, онаму каде што е потребно, го парафира министерот, а го потпишува претседателот на Владата“,
се наведува во соопштението од кабинетот на шефот на државата.
Нема потврда од Владата за информацијата дека Бесмира Ејупи (28), ТВ-презентерка на вести, ќе биде генерален конзул на Северна Македонија во Њујорк, САД, како што објави порталот „Зум“, дека сношти Владата, на затворена седница, по предлог на Министерството за надворешни работи, го утврдила предлогот Ејупи да биде пратена за македонски генерален конзул во Њујорк.
Од Владата не потврдуваат ниту дали синоќа имало затворена седница на која се донесени одлуки за испраќање на Ејупи во Њујорк, но и за пополнување други позиции во македонски дипломсатско-конзуларни претставништва.
„360 степени“ испрати и прашања до МНР дали ја предложиле Ејупи за генерален конзул во Њујорк и дали евентуално има нови предлози за амбасадори, со оглед на најавите дека ќе се интензивира пополнувањето на дипломатските места, но засега не добивме одговор.
Според Законот за надворешни работи, за генерален конзул може да биде именувано лице кое е државјанин на РСМ; има завршено високо образование; поседува меѓународно признат сертификат за познавање англиски јазик: да познава втор странски јазик различен од англискиот и тоа еден од официјалните јазици на ОН или на ЕУ; да има стекнато високо дипломатско звање, во случај кога кандидатот за генерален конзул е од составот на дипломатско-конзуларните службеници, односно да биде афирмирана личност во областа на надворешната политика и меѓународните односи, да не му е изречена казна забрана на вршење професија, дејност или должност; да има соодветен безбедносен сертификат.
Законот за надворешни работи предвидува дека генералниот конзул, кој не е именуван од составот на дипломатско-конзуларните службеници во Министерството, за времетраењето на својот мандат ги остварува правата и обврските од работен однос во Министерството, согласно со одредбите од овој закон и Законот за работните односи. По завршувањето на мандатот, на генералниот конзул му престануваат сите права од работниот однос во Министерството. Начинот за проверка на исполнетоста на условите од овој член на кандидатите за генерален конзул го пропишува министерот.
Постапката за именување генерален конзул ја покренува министерот за надворешни работи, кој до Владата доставува предлог за именување на генерален конзул. По прифаќање на кандидатот од страна на Владата, Министерството бара егзекватура од земјата на приемот.
Процедурата за именување генерален конзул почнува и завршува во МНР и во Владата, за разлика од постапката за испраќање амбасадори, која од Владата продолжува кај претседателот на државата, а последна инстанца е Комисијата за надворешни работи во Собранието, каде што идните амбасадори треба да ги претстават своите платформи пред заминување во мисија.