Изјавата на Владиката Петар, Митрополит Преспанско-Пелагониски, со која побара да се воведе веронаука во училиштата заради, како што рече, „духовна обнова на народот“ и за да не ни се случуваат „Катици Јаневи“, предизвика реакции на социјалните мрежи, главно негативни. Дел од јавноста смета дека учениците треба да се насочат кон изучување на научни предмети, но веронауката, според граѓаните, не е тоа.
Владиката Петар денеска присуствуваше на божиќниот ручек во Прилеп во организација на Детската амбасада „За сите деца во светот“.
„Без веронаука ќе ни се случуваат многу Катици Јаневи, ќе ни се случуваат и Боки, ќе ни се случуваат еден куп работи. Со веронауката сето тоа ќе исчезне, затоа што ако сакате вие преродба на народот, не можете вие само да барате преродба материјална, економска и не знам каква, културна, а душевна, односно духовна да нема. Само преку духовната преродба доаѓаат сите други преродби“,
рече тој.
*поврзана вест: Владика Петар: Без веронаука ќе ни се случуваат многу Катици Јаневи