Распишана потерница за либански министер осомничен во случајот со катастрофалната експлозијата во Бејрут

Налогот бил издаден денеска, еден ден по апелот на 145 локални и меѓународни невладини организации, преживеани и роднини на загинатите во експлозијата до Обединетите нации, кои бараат меѓународна истрага бидејќи локалната оди бавно поради силен политички притисок

Судија, кој е задолжен за истрага на минатогодишната катастрофална експлозија во пристаништето во Бејрут, издаде потерница за поранешен министер, кој одби да се појави на сослушување, соопштија судски извори.

Експлозијата во Бејрут се слушнала подалеку од Кипар, расте бројот на жртвите

Налогот бил издаден денеска, еден ден по апелот на 145 локални и меѓународни невладини организации, преживеани и роднини на загинатите во експлозијата до Обединетите нации, кои бараат меѓународна истрага бидејќи локалната оди бавно поради силен политички притисок.

Една година по катастрофалната експлозија во Бејрут: Макрон праќа 100 милиони евра помош

Потерница е распишана против поранешниот министер за транспорт и јавни работи Јусеф Фенианос.

Во експлозијата што се случи на 4 август 2020 година загинаа 214 луѓе, повеќе од 6 500 беа повредени, а беа уништени цели делови на главниот град.

Бројот на повредени во Бејрут се искачи на 6 000 лица

Како што соопштија либанските власти, големи количини на амониум нитрат, кои стоеле во пристаништето од 2013 година, не биле правилно складирани. Тие отфрлија меѓународна истрага веднаш по експлозијата.

Четворица поранешни министри, меѓу кои и Фенианос, се осомничени за потенцијално убиство со умисла, негрижа и злоупотреба. Фенианос беше министер од 2016 до 2020 година.

Интерпол се вклучува во истрагата за експлозијата во Бејрут, испраќа свој тим експерти

Во јули судијата Тарик Битар побара парламентот да им го укине имунитетот на тројца поранешни министри, како и на нивните заменици, но тоа беше одбиено.

Локалната истрага е под зголемен притисок од владејачките партии, кои се обвинети за корупција.