Евроамбасадорот во земјава Дејвид Гир рече дека целта останува до нејзино остварување, додека вицепремиерот за европски прашања Никола Димитров укажа дека блокадата од Бугарија освен што влијае на нас и на македнско-бугарскките односи, влијае и врз политиката на ЕУ кон регионот
Се вложуваат сите напори целта, Северна Македонија да започне преговори со ЕУ да биде остварена до крајот на оваа година, за време на словенечкото претседателство, но таа останува и понатаму. Сега сме концентрирани тоа да биде до крајт на годината, рече евроамбасадорот во земјава Дејвид Гир, одговарајќи на новинарско прашање што ако не се оствари до крајот на декември земјава заедно со Албанија да започнат преговори со ЕУ.
Вицепремиероот за европски прашања Никола Димитров, кој заедно со евроабасадорот го презентираа Извештајот за напредокот на земјава и ги дадоа оценките, рече дека во принцип не се одговара на хипотетички прашања, како „што ако“, но рече дека прозорецот за почеток на преговорите е крајот на оваа година со словенечкото претседателство и почетокот на следната со француското.
„ЕУ одлучува со консензус. Сите 27 членки во март се согласија, но една, Бугарија оневозможува да се одобри преговарачката рамка и да се одржи првата меѓувладина конференција. Ова влијае и на нас, на македонско-бугарските односи и на политиката на ЕУ кон регионот, бидејќи тоа е каква порака се испраќа“,
рече Димитров.
Сепак, тој рече дека мора да се биде внимателен со очекувањата и подобро е да се биде изненаден од добра вест отколку разочаран.
„Секоја година од 2009 наваму, со некој исклучок, добиваме позитивни извештаи. Влогот е навистина голем и кога има позитивни извештаи, а нема акција тоа влијае на вредноста на овие извештаи. Од тоа дали ЕУ ќе успее да испорача, тоа ќе влијае и дали проевропските политики ќе бидат вреднувани од гласачите“,
рече Димитров.