Најдобар стрелец во македонската репрезентација беше Талески со седум голови, Манасков постигна пет, Кузмановски и Петров по четири. Кај Норвежаните најефикасен беше Сагосен со шест голови
Машката ракометна репрезентација со пораз од 12 разлика загуби на првиот натпревар и со пораз го почна настапот на своето осмо Светско првенство. Во првото коло од групата Ф, која се игра во полскиот град Краков, избраниците на Кире Лазаров изгубија од фаворизираната Норвешка со 39:27.
Првото полувреме беше ветувачко, но кога Македонија дојде до првото израмнување на резултатот на 9:9, Норвешка по едно исклучување на Мартин Серафимов до крајот на полувремето почна да притиска во играта и имаше предност од седум гола (18:11).
Второто полувреме не донесе подобра ситуација за македонскиот тим, иако на 15-тина минути пред крајот Норвешка имаше предност од само 7 гола, сепак во завршниот дел од натпреварот Норвежаните рутински ја довршија работата.
Најдобар стрелец во македонската репрезентација беше Талески со седум голови, Манасков постигна пет, Кузмановски и Петров по четири. Кај Норвежаните најефикасен беше Сагосен со шест голови.
Следниот натпревар Македонија го игра против Холандија во недела од 18:00 часот, додека во вторник ќе игра против Аргентина, исто така, од 18:00 часот.