Поканата за седница е еден ден откако министерот Стефан Јанев призна дека распоредувањето руски војници на границата со Украина е закана за бугарската национална безбедност
Бугарскиот претседател Румен Радев за идната недела свика состанок на Консултативниот совет за национална безбедност поради закани за националната безбедност и состојбата на армијата, објави „24 часа“. Парламентарните партии веќе добиле покани.
Седницата е закажана за во вторник, 15 февруари, на која ќе има и посебен извештај на началникот на одбраната Емил Ефтимов. Поканата за седница е еден ден откако министерот Стефан Јанев призна дека распоредувањето руски војници на границата со Украина е закана за бугарската национална безбедност. Од денеска небото над Бугарија ќе го обезбедуваат бугарски и шпански авиони.