Путин: Ќе ја прекинеме испораката на нафта и гас за земјите што ќе ги ограничат цените

Говорејќи на економски форум во источниот град Владивосток, Путин рече дека европските повици за ограничување на цените на рускиот гас се „глупави“ и ќе доведат до повисоки цени на енергентите во светот, како и економски проблеми во Европа

Рускиот претседател Владимир Путин денеска се закани дека ќе го прекине снабдувањето со енергенти доколку се воведат ограничувања на цените на рускиот гас и нафта и го предупреди Западот дека ќе остане „замрзнат како опашката на волкот во познатата руска бајка“.

Говорејќи на економски форум во источниот град Владивосток, Путин рече дека европските повици за ограничување на цените на рускиот гас се „глупави“ и ќе доведат до повисоки цени на енергентите во светот, како и економски проблеми во Европа.

„Нема да испорачаме ништо ако тоа се коси со нашите интереси, во овој случај економски. Ниту гас, ниту нафта, ниту јаглен… Ништо“,

додаде тој.

Г-7 го објави планот минатата недела, а потегот исто така може да ја ограничи способноста на Русија да обезбеди танкери во земји надвор од Унијата.

Г-7 денеска ќе расправа за плановите за ограничување на цената на руската нафта

„Русија ќе се повлече од договорот за снабдување доколку Западот спроведе план за ограничување на цените. Дали ќе има политички одлуки спротивни на договорите? Да, нема да ги исполниме. Нема да извезуваме ништо ако тоа е спротивно на нашите интереси“,

најави тој.

Рускиот претседател во говорот претходно уверуваше дека е невозможно да се изолира Москва и упати обвинувања кон Западот за прашањето со извозот на украинско жито, за што рече дека речиси целиот извоз завршува во земјите од ЕУ, а не во сиромашните и земјите во развој.

Путин смета дека Русија не изгубила ништо во својата специјална воена операција во Украина

Русија е втор најголем извозник на нафта по Саудиска Арабија и е најголем извозник на гас и жито. Вообичаено, Европа увезува 40 отсто гас и 30 отсто нафта од Русија.