Премиерот Зоран Заев смета дека ДУИ направила видливи промени и бидејќи, како што рече, заедно се коалиција која победува, донеле одлуки за форми на заеднички настап на локалните избори. На новинарско прашање зошто ги поддржува ДУИ, иако со години тврдел дека се дел од режимот, Заев кажа дека тоа што победува, треба да се задржи како коалиција.
„Ние сме централна коалиција, во парламентот, во Владата и во општините. И функционираме. Голем дел од промените во ДУИ кои се случија во целиот овој период се видливи, дел заради самите, дел заради тоа што се партнери со СДСМ и со другите коалициони партнери и дефинитивно прагматизмот во коалициите го правиме поради насоките од самите граѓани. Тоа што победува, успева да испорача, треба да остане како заедничка понуда и затоа заеднички ќе настапиме. Реков, доминатно, уште во првиот во круг каде е возможно, некаде во вториот круг, а некаде е можно да се случи ДУИ и СДСМ да имаат кандидати и во втор круг. Така што, коалициите ќе се прават и после завршувањето на самите избори. Истовремено, коалицијата ја заокружуваме и со БЕСА и со ДПА, и со другите помали коалициони партнери. Правиме една убава мултиетничка коалиција“,
кажа Заев.