Одлуката била донесена на состанокот на амбасадорите на земјите-членки на ЕУ одржан пред два дена, а доаѓа на барање на високиот претставник на ЕУ за надворешна политика и безбедност, Жозеп Борел
Мандатот на специјалниот претставник на Европската унија за дијалогот помеѓу Србија и Косово, Мирослав Лајчак е продолжен до јануари следната година од страна на Советот на ЕУ.
Одлуката била донесена на состанокот на амбасадорите на земјите-членки на ЕУ одржан пред два дена, а доаѓа на барање на високиот претставник на ЕУ за надворешна политика и безбедност, Жозеп Борел.
За наследникот на Лајчак ќе одлучува наследникот на Борел, а за таа функција е предложена премиерката на Естонија, Каја Калас.
За да се потврди нејзината позиција, потребна е согласност од Европскиот парламент, кој гласа за структурата на новата Европска комисија.