Две лица од Косово се лишени од слобода под сомнение дека вчера во скопската населбата Ѓорче Петров пукале кон полицискиот службеник З.Р., кој беше полесно ранет.
Тие во возило во движење, марка „голф“, пукале кон друго возило „мерцедес“ во кое бил З.Р., при што го повредиле во ногата. З.Р. се упатил кон ГОБ „8 Септември“ за да му биде укажана лекарска помош.
Пукањето се случило околу 16:40 часот на кружниот тек во населбата Ѓорче Петров во близина на црквата.
За приведените лица, Б.В.(40) и И.Л.(38), двајцата од Косово, ќе следуваат соодветни пријави по расчистување на случајот.