Вооружен инцидент се случил попладнево во скопската населба „Ѓорче Петров“, а повредено е едно лице, полициски службеник со иницијали З.Р.
Полицијата го потврди настанот и велат дека инцидентот се случил околу 16:40 часот, на кружениот тек кај црквата Св.Петар и Павле.
„Лице од возило марка ‘голф’ пукало кон возило марка ‘мерцедес’, во кое бил полицискиот службеник З.Р.“,
велат од МВР.
Според првичните информации З.Р. се здобил со повреди во ногата и се упатил во ГОБ „8 Септември“ за укажување на помош.
Неофицијално, како што јавува Алсат, повредениот полициски службеник е син на поранешниот поглавар на Исламската верска заедница, Сулејман Реџепи. Засега, за оваа информација нема официјална потврда.
Се преземаат мерки за расчистување на случајот.