Основното јавно обвинителство Прилеп информира дека против осомничениот повело постапка за сторено кривично дело „загрозување на сигурноста“
Дваесет и седумгодишне прилепчанец заврши во осумдневен притвор поради закани упатени кон кандидат за градоначалник на Прилеп и неговото семејство преку социјалната мрежа Фејсбук.
Основното јавно обвинителство Прилеп информира дека повело постапка за сторено кривично дело „загрозување на сигурноста“ против осомничениот, кој бил приведен вчера на граничниот премин Табановце при влез во државава и предаден на испитување во Обвинителството.
Од ОЈО дополнуваат дека во насока на непречено одвивање на кривичната постапка, јавниот обвинител до надлежниот суд доставил предлог за определување на мерка притвор против осомничениот, а судијата на претходна постапка при Основниот суд Прилеп го прифатил предлогот и на осомничениот му е определен притвор во траење од 8 дена.