Полицијата во Гостивар денеска околу 13 часот привела 51-годишен гостиварец, сопственик на угостителски објект, затоа што не ја почитувал владината одлука за затворање поради коронавирусот.
Неговиот ресторан бил отворен и внатре имало неколку лица кои биле послужени со храна.
Гостиварецот е задржан во полициската станица и по документирање на случајот ќе му се поднесе и пријава.
Од МВР уште еднаш апелира до граѓаните целосно и безусловно да ги почитуваат мерките и да се придржуваат на владините одлуки, препораки и совети.
Оттаму укажуваат дека секое непочитување ќе биде казнето.