Сто илјади вакцини од кинескиот производител „Синофарм“ денеска треба да пристигнат во земјава, како донација од Министерството за одбрана на Народна Република Кина.
Донацијата, пред складиштето за вакцини во поликлиниката „Јане Сандански“ во Скопје, кинескиот амбасадор Џанг Ѕу ќе ја предаде на министрите Радмила Шекеринска и Венко Филипче.
Испораката на донацијата е договорена на средбата на Шекеринска со кинескиот министер за одбрана, генералот Веи Фенгхе при неговата посета на државава. На крајот на минатиот месец во земјава пристигнаа 200 000 вакцини „Синофарм“ што Владата ги набави од производителот, а најавени се и 500 000 вакцини „Синовак“.
