Вакцинацијата против сезонски грип, истакнуваат од МЗ, е најефикасна мерка за превенција на грип, која спречува појава на потешки форми, компликации и смртен исход особено кај ризичните групи
Вакцините против сезонски грип пристигнаа во земјава, информираат од Министерството за здравство. Набавени се 40 илјади дози за ранливите групи население. Во тек се законските процедури во МАЛМЕД, со цел спроведување на вакцинацијата, која е предвидено да почне следната недела. Станува збор за четиритипна вакцина против сезонски грип, од компанијата „Абот“ од Холандија.
„Ги повикуваме граѓаните од ранливите групи, како што се: стари лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, да се пријават преку страницата Вакцинација.мк, по што ќе добијат СМС со точниот датум, час и место кога треба да се вакцинираат. Воедно, Министерството за здравство испрати допис до матичните лекари да им излезат во пресрет на заинтересираните граѓани да се пријават во системот за вакцинација“,
информираат од МЗ.
Вакцинацијата против сезонски грип, истакнуваат оттаму, е најефикасна мерка за превенција на грип, која спречува појава на потешки форми, компликации и смртен исход особено кај ризичните групи.