Хари, исто така, откри дека не можел да плаче поради смртта на мајка си поради товарот што го чувствувал, па затоа се обидел со експериментален третман користејќи халуциногени печурки и други психоделични супстанции
Принцот Хари откри дека бил толку вознемирен поради смртта на неговата мајка, принцезата Дијана, што се свртел кон обилно пиење и земање дрога, вклучително и кокаин, за да се справи со тагата. Војводата од Сасекс го призна ова во интервју со Андерсон Купер во емисијата 60 минути.
Андерсон го праша дали ги обвинува папараците за нивната улога во сообраќајната несреќа во 1997 година во која загина Дијана во Париз кога тој имаше само 12 години. Хари одговори дека како деца ним им било јасно дека британските медиуми имаат улога во страдањето на нивната мајка.
„Се свртев кон жестоки пијалаци затоа што сакав да ги умртвам емоциите и да си го оттргнам вниманието. Знаете, користев и дрога”,
открил принцот признавајќи му на Андерсон дека пушел трева и земал кокаин затоа што се чувствувал безнадежно и изгубено во доцните 20-ти години.
Хари, исто така, откри дека не можел да плаче поради смртта на мајка си поради товарот што го чувствувал, па затоа се обидел со експериментален третман користејќи халуциногени печурки и други психоделични супстанции. Тој додаде дека не им препорачува на луѓето да го користат тоа рекреативно.
„Но, ако го правите тоа со вистинските луѓе, ако страдате од огромна загуба или тага или траума, тогаш тие работи функционираат како лек. Третманите ми ги одземаа мислите дека треба да плачам за да ѝ докажам на мајка ми дека ми недостигаше, а всушност се што таа сакаше беше да бидам среќен“,
рече тој.
Целиот свет зборува за британскиот принц Хари, кој започна нова битка против кралското семејство. Хари напишал мемоари во кои го напаѓа својот брат Вилијам, идниот британски крал, и не ги поштеди ниту Чарлс Трети, принцезата од Велс, ниту неговата маќеа Камила Паркер-Боулс.