Со овој чекор се реализира најавата на дел од вработените за прекин на работните обврски доколку не биде исплатен вториот дел од платата до 25 овој месец
Поради неисплатена половина од платата за месец октомври, машинскиот и извршниот персонал од „Македонски железници“ најави прекин на железничкиот сообраќај од утре во 7 часот.
Со овој чекор се реализира нивната најава за прекин на работните обврски доколку не биде исплатен вториот дел од платата до 25 овој месец, вели претставникот на машинскиот персонал од „Железници“ на РСМ, Душко Чакаровски.
Инаку, машинскиот и извршниот персонал во „Железници“ го прекинаа железничкиот и товарниот сообраќај и на 1 ноември годинава, поради неисплатен втор дел од септемвриската плата, но по исплатата наредниот ден ја прекинаа блокадата.
Во одлуката за прекин на сообраќајот е наведено и барање надоместот за материјални трошоци да се исплаќа најдоцна до 10 во месецот, како и дека во спротивно, нема да работат веќе од наредниот ден.